Google ADS

Dështon takimi Osmani – Haradinaj, AAK thotë se presidentja nuk e respektoi orarin

16:59 | 19 Dhjetor 2023
E.K

Takimi në mes të presidentes së Kosovës, Vjosa Osmani dhe kryetarit të Aleancës për Ardhmërinë e Kosovës, Ramush Haradinaj, ka dështuar të mbahet këtë të martë.

Në këtë takim është pritur të diskutohet për zhvillimet e fundit në vend dhe për draft Asociacionin e komunave me shumicë serbe.

Ky takim thuhet se nuk është mbajtur, kjo pasi Osmani nuk e ka respektuar orarin e përcaktuar.

Kështu tha në një deklaratë për Arbresh.info, zëdhënësi i AAK-së, Kushtrim Xhemaili.

“Po dje e kishim një vullnet të mirë për të biseduar me Presidenten Osmani për çështjet me rëndësi për vendin, veçanërisht për draft-statutin e Asociacionit. Kryetari Ramush Haradinaj si dhe Sekretari i Përgjithshëm Muharrem Nitaj ishin në Presidencë në orarin e përcaktuar nga Presidentja Osmani, por fatkeqësisht Presidentja nuk respektoi orarin e caktuar nga vetë ajo dhe për këtë arsye takimi nuk është realizuar”, tha Xhemaili./Arbresh.info

LEXO EDHE:

“Të buzëqeshur”, Osmani pret në takim Abdixhikun, flasin për draft-statutin e Asociacionit

Shpërndaje në rrjete sociale

Lajmet më të lexuara

Të ngjashme

Foto lajm